Британийн фермер, цэргийн хуучин техник цуглуулагч эр интернетээр зөвлөлтийн үеийн хуучин танк 37 мянган доллараар худалдан авч. Ник Мид худалдан авсан машинаа засварлах, бас дотор нь галт хэрэгсэл үлдсэн байх вий хэмээн сайтар шалган үзэж байтал түлшний савыг нь нээж үзэхэд  баахан алтан гулдмайнууд гарч иржээ. Энэ нь нийтдээ 2,5 сая долларын өртөг хүрэхээр алт байсан гэнэ”.

Цуглуулагч эр үүнийг Персийн булангийн хямралын үеэр иракын цэргүүд Кувейтын алт хадгалсан баян нэгнийг дээрэмдээд нуусан байх гэж үзэж байна.
“Миний авсан танк бол Иракын зэвсэгт хүчний хэрэглэж Персийн булангийн 1990-1991 оны дайнд олон улсын эвслийн хамт оролцоод дараа нь Британид авчирсан танк. Алт олоод би чухам яахаа мэдэхгүй болсон, Тэгээд л цагдаа руу утасдсан” гэж Мид ярьжээ. 

Мидэд өнөөдөр цэргийн 150 нэгж зэвсэг техник байдаг юм байна. Түүний фермд очсон хэн энэ машин техникийн дэргэд зургаа татуулж болдог гэнэ.