Японы эдийн засаг тийм ч сайн биш цаг үеийг туулж байна. Газар хөдлөл, цунами болоод  жил хагас болж байхад хятадтай тийм ч сайн харилцаатай байгаагүй, дээр нь дэлхийн санхүүгийн  хямрал гээд ар араасаа залгасан бэрхшээлүүд тус улсын эдийн засагт нөлөөлж байгааг статистик харуулж байна. Энэ оны гуравдугаар улирлын дүнгээр гэхэд л  тус улсын ДНБ 0,9 хувиар буурсан үзүүлэлт гарчээ. Японы гадаадад гаргадаг бүтээгдэхүүн эрс буурсан байна. Шинжээчид ДНБ цаашид ч унах магадлалтай гэж үзэж байна.