Рэппер Кэни Уэст найз бүсгүй Ким Кардашиантайгаа Парист сүүлийн хэд хоногийг өнгөрүүлж байна. Хос хоёр Парисын загварын долоо хоногоор хувцас загварын орднуудын үзүүлбэр шоуг үзэхээр энд ирсэн юм. Мэдээж, загварын эх оронд ирснийх рэппер залуу хүүхдийг нь тээж буй найз бүсгүйгээ эрхлүүлж, таван алтан бугуйвчаар бэлэг барьжээ.  Тэд Парис дахь “Cartier” үнэт эдлэлийн дэлгүүрт зочилж, нүнжигтэй худалдаа хийжээ. Кимийн мэдэлд очсон таван бугуйвч бүгд алмаазан шигтгээ бүхий алтан эдлэл бөгөөд нэг нь л гэхэд 34 мянган ам.долларын үнэтэй аж. Баярласан Ким Кардашиан шинэхэн гоёлынхоо зургийг Твиттертээ дэлгэжээ. Тэднийг ийн Парист зугаалж явах хойгуур АНУ-д нэгэн яриа гараад байгаа нь Кэни Уэст, Ким Кардашиан хоёр эртнээс холбоотой байсан тухай юм. Бүр тухайлбал, Ким Кардашианыг америк хөлбөмбөгийн од Регги Буштай болздог байх үед Кэни Уэст түүнтэй уулздаг байсан тухай рэпперийн продюсерээр хэсэг хугацаанд  ажиллаж байсан Консикуйнс хэвлэлд ярьсан байна.