Дуучин Шакира арваадхан хоногийн өмнө мэндэлсэн Милан хүүгийнхээ зургийг гэр бүлийнхээ “WhoSay” цахим хуудаст нийтэлж, фэнүүдээ баясгажээ. Зурагт Шакирагийн сүйт залуу, хүүгийн эцэг Жерард Пике бяцхан үрээ үнсч байгаа нандин агшныг харуулжээ. Хүүхдийнхээ анхны зургийг хэвлэлүүдэд өндөр үнээр худалддаг оддын жишгээс өөрөөр хувийнхаа вебсайтаар олонд дэлгэсэн дуучин Шакира шүтэн бишрэгчдээ НҮБ-ын хүүхдийн байгууллага буюу ЮНИСЕФ-т Милан хүүгийнх нь нэрээр хандив өргөхийг уриалсан байна. Миланы нэр дээр цугларсан хандивын мөнгийг хүүхдүүдийн сайн сайхны төлөө зориулах ажээ.