Цагтаа Атлантын далайг туулж явсан домогт Queen Mary хөлөг 40 жилийн өмнө сүүлийн аяллаа хийгээд одоо Калифорнын Лонг-Бичийн зогсоолд байгаа. Гэрэл зураг сонирхогч Валентина Ломборг энэ хөлөг дотор нэгэн зураг авсан дээр нь  цагаан хувцастай нэгэн нууцлаг эмэгтэй дүрс гарчихаж. Тэгэхээр тэрээр хөлөг дээр бараг хагас зуун жил ббайсан гэсэн үг.
Ийм сонин үзэгдэл судалдаг хүмүүс тийш очоод юу олж үзээгүй байна. Гэрэл зурагчин ч гэсэн өөрөө тэнд ороод байхдаа олж хараагүй атлаа дараа нь зургаа угааж байхдаа л харсан гэнэ. Цагаан даашинзтай бүсгүй нэгдүгээр ангиллын нэгэн өрөөнд байх нь зураг дээр гарчээ. “Энгийн нүдээр түүнийг олж харах аргагүй. Тэнд байхдаа би юу ч олж хараагүй атлаа гэртээ ирээд зургаа боловсруулахад л харсан” гэж Ломборг хэлжээ. 1934 онд үйлдвэрлэсэн Queen Mary хөлөг Саутгемптоноос Нью-Йорк хүртэл аялдаг байсан юм. Дэлхийн хоёрдугаар дайны үед цэргийн үүрэг гүйцэтгэж байгаад 1967 онд хамгийн сүүлийн аяллаа хийгээд одоо зочид буудал-музей болжээ.