Дуучин Крис Браун өчигдөр Лос Анжелосын шүүхэд дуудагдан очжээ. Найз бүсгүй Рианнагаа зодсон хэргээр тэнсэн харгалзах ял сонсч, нийгэмд тустай хөдөлмөр эрхлэх шийтгэл хүлээсэн тэрээр шүүхээс оноосон хөдөлмөрийг гүйцэтгээгүй, шүүхийн шийдвэр гүйцэтгэгчийг хуурсан хэмээн прокуророос үзсэн учраас шүүхэд дуудсан байна. Дээрх хэргээс болж хоёр тийшээ болсон хоёр дуучин аль хэдийнэ эвлэрсэн ч тэдэнтэй холбогдох хэрэг нэгэнт шүүхээр шийдэгдсэн тул ийнхүү одоо хүртэл үргэлжилсээр байгаа юм. Шүүх хурлын үеэр Крис Брауны өмгөөлөгч өөрийнхөө үйлчлүүлэгчийг нийгэмд тустай хөдөлмөрийг зохих ёсоор нь хийж гүйцэтгэсэн, түүн шиг хийсэн хэрэгтээ “зовж тарчилсан” үйлчлүүлэгчтэй учирч байсангүй хэмээн шүүгчдийн өмнө хэлсэн байна.
 Гэвч Крис Браунд холбогдох хэргийг шүүхээр хэлэлцэж дуусаагүй, ирэх дөрөвдүгээр сард дахин шүүхийн танхимд ирэхийг сануулсан байна. Ийнхүү өөрийг нь зодсоноос болж дөрвөн жилийн хойно ч хууль шүүхтэй орооцолдсоор яваа Крис Брауныг энэ өдрүүдэд хамгийн их дэмжиж, хажууд нь байгаа хүн бол Рианна юм. Тэрээр шүүх танхимд Крис Браунтай хамт ирээд, хуралд орохын өмнө сэтгэлийг нь засах үг хэлж оруулсан гэнэ. 






Крис Браун шүүхийн шийтгэлээ гүйцэтгэж байгаа нь