"Тийн ялгуулсан" хэмээх усан могой жилийн билгийн тооллын хаврын тэргүүн сарын сар шинийг тохиолдуулан Булган аймгийн ИТХ-ын болон Засаг дарга, бусад удирдлагууд хүндэтгэл үзүүлэх арга хэмжээг зохион байгуулсан нь зон олноо баярлуулсан сайхан ажил болжээ.
Тус аймгийн ИТХ-ын болон Засаг дарга, аймаг, сумын бусад удирдлагын хамт сар шинийн гуравны энэ өдрийн морин цагт ахмад настнуудын төлөөллийг хүлээн авч хүндэтгэлийн золголд хийлээ. Энэхүү золголтод 75-аас дээш настнуудын төлөөлөл болох 99 ахмад морилж хуур эгшиглүүлэн уртын дуу өргөж Дашчойнхорлон хийдийн лам нар ном айлдлаа. Булган аймгийн Засаг дарга аймгийнхаа хамгийн ахмад Б.Бимэд эмээгийн гэрт нь очиж хүндэтгэл үзүүлэн, Ерөнхийлөгчийн бэлгийг гардуулав. Чимэд гуай энэ жил 102 насыг зооглож үр хүүхэд, ач зээ, төрөл садантайгаа жаргаж суугаа буурай юм.