“Эрдэнэс Тавантолгой” ХК-ийн 15 жилийн ой 2025 онд тохиож буйтай холбогдуулан Салбарын хамт олноос ойг угтсан ажлууд зохион байгуулж байна. Энэхүү ажлын хүрээнд Өмнөговь аймгийн Цогтцэций сумын ерөнхий боловсролын 12 жилийн дунд сургуулийн нэгдүгээр сургуулийн 10 дугаар ангийн сурагчдыг оролцуулсан “ETT – HERO 15/15” аяллыг 2025 оны 12 дугаар сарын 11-ний өдөр зохион байгууллаа.Аяллын хөтөлбөрийн дагуу сурагчид “Эрдэнэс Тавантолгой” ХК-ийн уурхайтай “Зочны тавцан-гаас танилцсаны дээр нүүрс баяжуулах үйлдвэрт зочилж, үйлдвэрлэлийн үйл ажиллагааны талаарх мэдээллийг хариуцсан инженер техникийн ажилтнуудаас авлаа.Танилцах аяллын үеэр сурагчдад уул уурхайн салбарт ажиллагсдын ажил мэргэжлийн онцлог болон ирээдүйн ажил, мэргэжлийн чиг баримжаа олгох талд нь зөвлөгөө өгч, эзэмшсэн мэргэжилдээ эзэн болж, сайн хүн болж төлөвшихийг зохион байгуулагчдаас хүсэв.