Холливудад өсөн торниж буй хүүхдүүдийг хэвлэлүүд эцэг эх шиг нь хамгийн ганган дэгжин хувцас, стиль имижээр хооронд нь уралдуулдаг. Тэгвэл Холливудын хамгийн сайхан хос гэгддэг Брэд Питт, Анжелина Жолигийн хүүхдүүд гарцаагүй энэ уралдааны ялагч болох нь дамжиггүй. Валентиний баярын өдөр алдарт хос зөвхөн хоёр биенээ баярлуулсангүй. Хоёр ихрээ дагуулан АНУ-ын Үндэсний түүхийн музейд зочилжээ. Энэ үеэр паппарацууд алдарт гэр бүлийн зургийг авсан бөгөөд ихрүүдийн нэг Нокс хүү яг л аав шигээ тун дэгжин нарны шилээр гангарсан байжээ. Одоо дөрвөн настай ихрүүд динозарын үзмэр үзэхийг хүссэн учраас ийнхүү музей дагуулан явжээ.