Дуучин Рианна 25 насны төрсөн өдрөөрөө магадгүй хамгийн хүсч байсан бэлгээ авсан бололтой. Тэрээр төрсөн өдрөө Хавайд Крис Браунтай хамт тэмдэглэжээ. Грэммигийн ёслолд хамтдаа ирсэн ч түүнээс хойш цугтаа харагдаагүй, салсан мэт байсан хоё хоёр Рианнагийн төрсөн өдрөөр эргэж нийлсэн бололтой. Нарлаг Хавайд амарч буй дуучин бүсгүй усны хувцасны гадуур торон банзал өмсч, тун ил задгай хувцасласан байсан нь паппарацын дуранд буужээ. Тэрээр өөрөө ч Твиттер хуудсандаа Крис Браунтай хамт байгаа зургаа нийтэлсний зэрэгцээ 20 насны төрсөн өдрөө мөн Крис Браунтай хэрхэн тэмдэглэж байсныг харуулсан гэрэл зургийг ч дэлгэжээ.

Хөгжмийн ертөнцийн хамгийн дуулиантай хос болох Крис Браун, Рианна хоёрын харилцаа тогтворгүй, нэг салж, нэг нийлсээр хамтдаа байгаа эсэхийг нь мэдэхэд бэрх байгаа. Хэдхэн хоногийн өмнө гэхэд Крис Брауны өмнөх найз бүсгүй Карруйше Тран түүний хөлсөлдөг нэгэн байранд байгаа зургаа Твиттерт нийтэлсэн нь Крис Браун одоо хүртэл хоёр бүсгүйтэй нэгэн зэрэг харилцаатай байгаа юм байна гэж таамаглахад хүргээд байна.