Жүжигчин Эштон Катчертай хайр сэтгэлийн холбоотой болоод удаагүй байгаа жүжигчин Мила Кунис гэр бүлийн амьдрал зохиохыг хүсэх болжээ. Тэрээр Эштонтой учирснаас хойш олны хараанд илүү өртөх болсон учир хувийн амьдралаа нууцлах, өөрөө өөрийгөө хянаж явах шаардлага гарч байгаа гэнэ. Гэсэн ч тэрээр энэ амьдралдаа илүү сэтгэл хангалуун байгаа бөгөөд маргааш биш юм гэхэд удахгүй гэр бүлийн амьдрал зохиогоод, гэртээ ихэнх цагийг өнгөрүүлж амьдрах болно хэмээн “Marie Claire” сэтгүүлд ярьжээ. Үүний тулд тэрээр кино ертөнцийн завгүй амьдралын хэв маягаа өөрчилж, жилд гурван кинонд тоглодог байсан бол нэг кинонд тоглодог болох гэнэ.