Жастин Биберийн хамгийн муухай төрсөн өдөр

Химийн бодисуудыг хууль бусаар ашигласан үйлдлийг мөрдөн шалгаж, хэргийг шүүхэд шилжүүллээ УИХ-ын дарга С.Бямбацогт Үндэсний статистикийн хорооны үйл ажиллагааны талаар мэдээлэл сонслоо “Хөдөлмөрийн аюулгүй байдал, эрүүл мэндийн урьдчилан сэргийлэх цогц аян-2026” эхэллээ Насанд хүрээгүй 446 иргэн тээврийн хэрэгсэл жолоодсон зөрчилд холбогджээ СЕХ:Сонгуулийн хуулийг зөрчих зөрчил, шалгах, шийдвэрлэх ажиллагааны талаар хэлэлцлээ Борооны ус зайлуулах шугам хоолойг цэвэрлэж байна “102” аппликэйшний 1-р улирлын урамшууллыг энэ сарын 20-ноос олгож эхэлнэ Орос хэлний XXIX улсын олимпиад 200 гаруй оролцогч мэдлэг, оюунаа сорин өрсөлдөж байна БОУАӨ-ийн сайд Ц.Сандаг-Очир COP17 хурлыг зохион байгуулах төслийн талбайд ажиллалаа Б.Хэрлэн: М.Нарантуяа гишүүнтэй холбоотой 48 өргөдөл гомдол ирсэн

Намируун

2013-3-04

Жастин Бибер 19 насны төрсөн өдрөө Англид маш зугаатай хийнэ хэмээн төлөвлөж байгаагаа эртнээс зарлаж байсан ч эцэстээ “Хамгийн муухай төрсөн өдөр” гэж твитердэхэд хүрчээ. Үнэхээр ч тэрээр төрсөн өдрөөрөө хоёр ч таагүй явдалтай учирчээ. Хамгийн эхнийх нь тэрээр эзгүй байх үедээ өөрийн дотны найз Лил Твистэд үнэтэй машинаа түр хэрэглүүлэхээр зөвшөөрсөн ч өнөөх нь түүнийг бөөн торгуульд унагаж орхисон байна. Тэрээр найздаа “Fisker Karma” машинаа орхисон нь буруугаар эргэж, Лил Твист түүнийг нь унаж явахдаа замын хөдөлгөөн зөрчиж, цагдаад баригджээ. Асуудал үүгээр дууссангүй. Залуу одын спорт загварын машины цонх хар теннтэй байна гэсэн шалтгаанаар 100 мянган ам.долларын торгууль төлөх ёстой болжээ.
Америкаас ийм мэдээ дуулсны дараа Жастин найзуудтайгаа Лондоны “Cirque Du Soir” клубт төрсөн өдрийн партигаа хийхээр зочилсон боловч тун удалгүй гарч иржээ. Учир нь, түүний төрсөн өдрийн хүндтэй зочид болох шинэ найз охин Элла, жүжигчин Уилл Смитийн хүү Жэйден нар насанд хүрээгүй учраас клубт орж чадаагүй байна. Жастин энэ клубын байнгын үйлчлүүлэгч боловч түүний төрсөн өдрийн зочид хууль ёсоор заасан насанд хүрээгүй учир дотогш нэвтрүүлэхээс зохион байгуулагчид нь татгалзжээ. Энэ явдалд ихэд уурссан Жастин эцэст нь байрлаж байсан зочид буудал руугаа шинэ найз охинтойгоо хамт явсан байна. Жастинтай сүүлийн хэдэн өдрийн турш хамт байгаа Элла Пейж 17 настай бол, Жастины найзуудын нэг Жэйден Смит ердөө 14-тэй юм.