Ухаалаг сайт ASSA.mn-ээс санаачлан МОХ, Монголын лектор төвөөс хамтран их, дээд сургуулийн оюутнуудын дунд “70 мянга миний амьдралд” сэдэвт эссе бичлэгийн уралдаан зохион байгуулсан билээ. Эссе бичлэгийн уралдаанд 1000 орчим бүтээл ирсэнээс шүүгчдийн бүрэлдэхүүн эхний шалгаруулалтаа хийж байна. Ирсэн бүтээлийг гурван үе шаттайгаар шүүн тунгааж шилдэг 50 бүтээлийг олон нийтэд зарлах юм. Шүүгчдийн бүрэлдэхүүнд Сэтгүүлчдийн эвлэлийн Ерөнхийлөгч Б.Галаарийд, МУИС-ийн сэтгүүл зүйн тэнхимийн эрхлэгч, доктор М.Зулькафиль тэргүүтэй хүмүүс багтсан юм. Уралдааны дүн ирэх сарын 3-нд тодорч, эхний таван оюутан ухаалаг утсаар шагнуулах бол шагналт 50 байрыг шалгаруулах юм.