Улаанбаатар хотод метро барих шугамыг тэмдэгжүүлж, хотын мэдээллийн санд оруулж, хамгаалалтад авах ёсолын ажиллагаа өнөөдөр 11:00 цагт СХД, Драгон авто зогсоолын баруун хойно, 13:00 цагт БЗД, Амгаланийн эцсийн буудалд болно. Ёслолын ажиллагаанд НИТХ-ын дарга Д.Баттулга болон НЗД бөгөөд Улаанбаатар хотын Захирагч Э.Бат-Үүл нар оролцоно.

11.00 цагаас яамны Хаан танхимд болох БОНХЯ-ны 6-р сарын мэдээллийн цагаар Монгол улс НҮБ-ийн Ногоон эдийн засгийн төлөөх түншлэгч эхний 7 орны нэг болсон тухай, Ойжуулалт зэрэг ажил үйлчилгээг НӨАТ-аас чөлөөлсөн тухай мэдээлэл өгнө. Мэдээллийг БОНХЯ-ны Төрийн нарийн бичгийн дарга Ж.Батболд тэргүүтэй албаны хүмүүс өгөх юм.

МХЕГ-аас Зөвлөн туслах үйлчилгээг хүргэж байгаа. Энэ удаад Барилгын салбарт хөдөлмөрийн аюулгүй ажиллагааг хэрхэн мөрдөж ажиллах тал дээр зөвлөн туслана. 09:00 цагаас Тэнгис кино театрын урд баригдаж буй барилга дээр зөвлөн туслах ажил хийгдэнэ. үргэлжлүүлээд бусад зөрчил бүхий барилгууд дээр зөвлөн туслана.

11.30 минутаас 25-р суваг ТВ-ийн Мэдээллийн төвд Ч.Мөнхбаяр болон Г.Нямочир нар өлсгөлөн зарлаад 12 хонож буй цахар Р.Цэнгэлийн тухай мэдээлэл хийнэ. Төрийн эсрэг гэмт хэрэг хэмээх хилс хэргээр 1 жил 1 сар хоригдож буй энэ залуугийн хэрэгт кино найруулагч Х.Бадамрагчаа нарын 4 хүн шалгагдсан боловч, бусад нь бүгд хэрэгсэхгүй болсон бөгөөд бүх хэргээ харах хандах, хөөцөлдөх хүнгүй өвөр монгол залууд тохоохыг оролдож, эрүүдэн шүүж, дарамталж хүний эрхийг ноцтойгоор зөрчсөн байна.

Монгол улсын Хөдөлмөрийн баатар, Гавьяат тамирчин Э.Бадар-Ууганы үүсгэн байгуулж буй “Ууган аварга” сангийн нээлт 14.00 цагт 79-р сургууль дээр болно.
11:00 цагаас Хэвлэлийн Хүрээлэнд: Иргэний Зориг Ногоон Намын үлдсэн гишүүд намаасаа гарсанаар тус нам гишүүнгүй болсон тухай мэдээлэл хийнэ.

ШӨХТГ-ийн хурлын зааланд 11 цагаас хэвлэлийн бага хуралтай.