Хоёр бүсгүйн амьдралаар тоглосон гэх Д.Батболд нь албан тушаалаа урвуулан ашиглаж 109 лицензийг хууль бусаар бусдад олгож, дундаас хувь хүртэж байсанаасаа болоод 3,6 жилийн ял сонсоод буй Д.Батхуягийн төрсөн дүү юм. Тэрээр багаггүй хөрөнгөжсөн ахынхаа нөмөр нөөлөгт Ашигт малтмалын хэрэг эрхлэх газрын Төрийн захиргааны удирдлагын газрын даргаар очиж багагүй хөрөнгөжсөн бололтой. Учир юу гэвэл хуучин эхнэр Ч.Туяагийнх нь гарт зэрлэгээр хөнөөгдсөн Татварын хэлтсийн байцаагч Э хийгээд Ч.Туяадаа Волксваген маркийн жийп машин бэлэглэж байсан нь хэрийн төрийн албан хаагчийн халаасанд байхааргүй мөнгө юм. Д.Батболд ахыгаа хэрэгт холбогдох үеэр байраа сэлгэж Уул уурхайн яамны Төрийн захиргааны удирдлагын газрын дарга болсон байдаг. Өнөөдөр тэрээр 461 дүгээр хорих ангид цагдан хоригдоод байгаа юм. Мэргэжил нэгт нөхрийнхөө халуун аминд хүрсэн байцаагч Ц.Туяа түүнийг Э-тэй амрагийн холбоотой болсныг мэдэх үедээ "Тэр хүүхнээсээ холдохгүй бол "но"-г чинь дэлгэнэ шүү" хэмээн хэлсэн тухай зарим хэвлэл мэдээллийн хэрэгслээр дурдсан байдаг. Тийм болоод ч тэр үү дүү нь ахынхаа ажилд тусалж хөрөнгөжсөн, мөн татварын байцаагчидтай холбоо сүлбээ тогтоодог нь улам л олны анхаарлыг татаад байгаа юм.