Цаг уур орчны шинжилгээний газрын мэдээллээр маргааш төв, зүүн зүгийн болон говийн нутгаар дуу цахилгаантай бороо орно гэлээ. Харин 12-нд баруун болон төв, зүүн зүгийн нутгийн зарим газраар, 13-нд зарим газраар, 14-нд нутгийн зүүн хагаст мөн адил дуу цахилгаантай бороо үргэлжлэн орох төлөвтэй байна. 11-13-ны хооронд говь талын нутгаар салхины хурд секундэд 12-14 метр хүрч ширүүснэ. Хангай, Хөвсгөл, Хэнтийн уулархаг нутгаар шөнөдөө 5-10 хэм, өдөртөө 17-22 хэм, Алтайн өвөр говь болон говийн нутгийн өмнөд хэсгээр шөнөдөө 15-20 хэм, өдөртөө 28-33 хэм дулаан байх нь. Бусад нутгаар шөнөдөө 11-16 хэм, өдөртөө 22-27 градус дулаан байх юм байна.