Хувьсал продакшины  анхны дэлгэцийн уран бүтээл болох  UB Film media кино групптэй хамтран бүтээсэн “Зэрлэг цэцэгсийн хүлэмж” монголын уран сайхны кино энэ оны ёсдүгээр сарын-9 нд албан ёсоор нээлтээ хийх бөгөөд мөн сарын 12,13нд кино театруудын дэлгэцнээ гарах юм байна. Уг уран бүтээлийн  зохиолыг МУСТА Д.Ганцэцэг жил гаруй хугацаанд бичсэн ба киноны дууны аяыг Л.Балхжав, үгийг нь UBS-ийн сэтгүүлч П.Одгэрэл зохиосоноороо онцлог ажээ.
Тус киноны гол дүрд  Улсын драмын эрдмийн театрын жүжигчин МУГЖ У.Уранчимэг, МУСТА Д.Ганцэцэг, жүжигчин А.Ганчимэг болоод ҮДБЭТ-ын бүжигчин МУСТА М.Бямбаа, Солонгос улсад жүжигчиний сургууль төгссөн  залуу жүжигчин Энхтүвшин зэрэг мэргэжлийн 90 гаруй уран бүтээлчид хамтран тоглосон байна. Харин ерөнхий зураглаачаар нь та бүхний сайн мэдэх “Улаан дөрвөлжин”, “Орхидос 1,2” зэрэг сүүлийн үед нэрд гараад байгаа олон киноны зураглаачаар ажилласан Отгонбаяр ажилласан байна. Зэрлэг цэцэгсийн хүлэмж хэмээх содон нэртэй уг киноны гол үйл явдал нь 1981 онд болох бөгөөд уг уран бүтээлээр тухайн үеийн нийгмийг тод харуулах ажээ.