Дэлхийн мисс шалгаруулах 63 дахь удаагийн тэмцээн энэ сарын 28-нд Индонезид болно. 131 орны гоо бүсгүй хуран чуулах эл тэмцээнд Монгол Улсыг төлөөлж 22 настай С.Пагмадулам оролцоно. Тэрээр эмч мэргэжлээр суралцдагийн дээр ардын болон уртын дуу дуулдаг авьяастай бүсгүй. 2011 онд болсон “Miss tourism international”-д оролцон шилдэг 15-д шалгарснаас гадна “Авьяаслаг мисс”-ээр тодорч байжээ. Дэлхийн миссийн тайзнаа үзүүлэх үзүүлбэрээ уртын дуу хэмээн тэрээр товложээ. Өнгөрсөн жил ӨМӨЗО-ны Ордос хотод болсон 62 дахь удаагийн тэмцээнд БНХАУ-ын гоо бүсгүй Юй Вэнься шалгарч, алтан титмийн эзэн болж байсан билээ.