“Хэцүү анги” олон ангит киноны Зулаагийн дүрээр олны танилж болж, чадварлаг сайн жүжигчин гэдгээ Гамлет жүжгийн Офилиягийн дүрийг чадварлагаар бүтээж баталсан билээ. Тэгвэл залуу жүжигчин А.Ганчимэгийн тоглосон “Зэрлэг цэцэгсийн хүлэмж” кино өчигдөр нээлтээ хийсэн юм. Киноны нээлтийн үеэр жүжигчин А.Ганчимэгт ССАЖ-ын сайд Ц.Оюунгэрэлийн тушаалаар “Соёлын тэргүүний ажилтан” цол тэмдэг хүртээжээ. Шагналыг салбарын сайд өөрийн биеэр гардуулсан байна.