Үндэсний Дуурь Бүжгийн Эрдмийн театраас ээлжит уран бүтээлээ хүүхэд багачууддаа Монгол ардын “Цуутын цагаагч гүү” үлгэрээс сэдэвлэсэн “Эрх цагаан унага” хүүхдийн дуулалт жүжгийг өргөн барьж байна. Жүжгийн нээлт маргааш 11:40 цагт болох гэнэ. Энэхүү дуулалт жүжгээрээ хүүхдүүдийг байгаль эхээ хайрлах, өв соёлоо хадгалан хамгаалах, эцэг эх болон ахмадын сургаалийг дагах, эх орноо гэсэн сэтгэлтэй хүн болон төлөвшихөд тус нэмэр болох зэрэг ач холбогдолтой гэнэ. “Эрх цагаан унага” хүүхдийн дуулалт жүжгийн цомнолыг зохиолч Г.Батаа бичиж, Хөгжмийн зохиолчоор Р.Бат-Эрдэнэ, ерөнхий найруулагчаар ҮДБЭЧ-ын найруулагч Д.Ганболд ажиллаж байгаа бол жүжигт 150 гаруй уран бүтээлч оролцжээ. Үүнээс гадна “Эрх цагаан унага” хүүхдийн дуулалт жүжгийг хэн сайн дуулах вэ? уралдаан, “Эрх цагаан унага” зохион бичлэгийн уралдааныг ЕБС-ын 5-13 нас хүртэлх сурагчдын дунд арваннэгдүгээр сарын 1-19-ний хооронд зохион байгуулах юм байна. Ерөнхий ивээн тэтгэгчээр “Төрийн Банк” ажиллаж байгаа юм.