“Blue” хамтлагийн дуучин Данкан Жеймс дампуурлаа зарлажээ. Тэрээр “Blue” хамтлагийн аялан тоглолт эхлэхээс өмнө буюу энэ сарын 12-нд өөрийн жинхэнэ нэр Инглис дээр дампуурлын тухай өргөдлөө гаргасан байна.  35 настай дуучин залуу 2005 онд хамтлаг нь тарсны дараа амьжиргааны зардлаа олоход хэцүү болж, бүр нийтийн тээврээр хүртэл үйлчлүүлэхэд хүрсэн тухайгаа ярьж байсан удаатай. Данкан Жеймсээр зогсохгүй хамтлагийн өөр нэг гишүүн Энтони Коста ч бас санхүүгийн хүнд байдалд орсон тухайгаа ярихдаа “Хамтлагаа бас мөнгийг үүрд байх юм шиг л санаж хяналтаа алдсанаас ийм байдалд хүрлээ” хэмээн ярьж байсан юм.  Магадгүй “Blue”-гийн гишүүд ар араасаа дампуурцгааж эхэлсэн учир мөнгө олохын эрхэнд эргэн нэгдэж, аялан тоглолт хийж эхэлсэн байж болох юм.