Өнгөрсөн есдүгээр сарын 26-нд Туркийн Засгийн газраас зарласан агаарын болон пуужингийн довтолгооноос хамгаалах алсын зайн тусгалтай систем авах тендерт Хятадын “CPMIEC” компани ялж “HQ-9” цогцолборыг нийлүүлэхээр болсон юм. Үүнтэй холбоотойгоор Америкийн тал ихэд сэтгэл зовниж байгаагаа албан ёсоор мэдэгджээ. НАТО –ийн системтэй үл нийцэх систем, тэр тусам Америкийн зүгээс хориг арга хэмжээ аваад байгаа компанийг зэвсгийг худалдан авч, хамтран үйлдвэрлэх болсонд ихэд түгшиж байгаа юм байна.
Туркийн Засгийн газрын зарласан тендерт “CPMIEC” компаниас гадна Америкийн “Raytheon” ба “ Lockheed Martin” компаниудын оролцсон консорциум, Итали ба Францын хамтарсан “Eurosam” консорциум, Оросын “Рособоронэкспорт” оролцсон юм.
Турк нь НАТО-ийн гишүүн болохоор тус эвслийн хамтарсан аюулгүй байдлыг хангах тогтолцоонд Хятадын зэвсэглэлийг оруулж байгаад л америкчууд хамгийн ихээр санаа зовж байгаа бололтой.
