Оросын Ерөнхийлөгч В.Путинийг Нобелийн энхтайвны шагналд нэр дэвшүүлэхээр тодорхойлсноо Оросын Төрийн Думын гишүүн Йосиф Кобзон мэдэгдлээ. Түүний удирддаг Дэлхийн ард түмнүүдийн оюун санааны нэгдэл, хамтын ажиллагааны олон улсын академиас В.Путинийг энхтайвны шагнал хүртэх бүрэн эрхтэй хүн хэмээн Нобелийн хороонд тодорхойлсон байна. Й.Кобзон хэлэхдээ “Барак Обама бол Ирак, Афганистанд түрэмгийгээр довтолж, дайн өдүүлэх санааг гаргасан хүн. Тэр бас Сирийг дайрахаар зэхэж байсан. Энэ шагналд хэзээ ч зохицохгүй хүн. Харин манай Ерөнхийлөгч бол Сирид үүсч болох байсан цус урсгасан дайныг зогсоож, сөргөлдөөнийг эв зүйгээр зохицуулах гэж хичээж байгаа хүн. Владимир Владимирович Путин зөвхөн улс орныхоо нутаг дэвсгэрт бус улс үндэстнүүдийн хоорондох эв найрамдлыг хангах, энхийг бэхжүүлэхэд зүтгэж байгаа учир Нобелийн энх тайвны шагналд нэр дэвших эрхтэй” хэмээн ярьжээ. Энэ сарын 11-нд энэ жилийн энхтайвны шагналтаа зарлах Нобелийн шагналыг өмнө нь Мартин Лютер Кинг, Далай лам, Б.Обама зэрэг төр, нийгмийн зүтгэлтнүүд хүртэж байсан билээ.