Сүүлийн хоёр өдрийн дотор Колумбийн нефть дамжуулах хоолойнууд дээр гурван ч удаа дэлбэрэлт болж ихээхэн хэмжээний хохирол учирсан байна. Колумбийн эрх баригчид тус улсад үйл ажиллагаа явуулдаг зүүний үзэл баримтлалтай бүлэглэлүүдийг энэ бүхэнд буруутгав. Харин "ФАРК", "Үндэсний чөлөөлөх арми" нэртэй зүүний хоёр том бүлэглэлээс нэг нь ч эдгээр дэлбэрэлтийн хариуцлагыг хүлээгээгүй байна. Хамгийн сүүлд Венесуэлийн хил орчим "Ecopetrol" компанийн газрын тос дамжуулах хоолойг дэлбэлснээс болж олон сая ам.долларын хохирол учирсан аж.