МАН-ын Мэдээлэл, технологийн хэлтсийн дарга Б.Цогтгэрэлийн хэргийг Улсын дээд шүүхийн хяналтын шүүх өнөөдөр хэлэлцэн түүнд хөдөлмөрийнхөлсний доод хэмжээг 75 дахин нэмэгдүүлсэнтэй тэнцэх хэмжээний мөнгөөр торгох шийдвэрийг гаргалаа.
Б.Цогтгэрэлийн хувьд орон нутгийн сонгуулиар Орхон аймагт нэр дэвшсэн н.Улаанхүүг хүн амины хэрэг үйлдсэн гэх ташаа мэдээллийг хэвлэл мэдээллийг хэрэгслээр цацаж, нэр төрд нь халдсан юм. Энэ хэргийг анхан болон давж заалдах шатны шүүх хянан хэлэлцээд МАН-ын Мэдээлэл, технологийн хэлтсийн дарга Б.Цогтгэрэлд хөдөлмөрийн хөлсний доод хэмжээг 150 дахин нэмэгдүүлсэнтэй тэнцэх хэмжээний мөнгөөр торгох шийдвэр гаргаад байсан юм. Харин үүнийг өнөөдөр Дээд шүүхээр хянан хэлэлцэж торгуулийн мөнгийг нь ийн багасгасан байна.