Монголын үүрэн холбооны анхдагч нь “Мобиком” яах аргагүй мөн гэдэгтэй хэн ч санал зөрөхгүй биз. Гэхдээ анхдагч гэдгийн цаана монголын ард түмний халаас руу дур мэдэн гар дүрсэн нууцлаг “хэрэг” энэ компанид бий гэдгийг учир мэдэх хүмүүс хэлдэг. Наад зах нь л гэхэд дуучин С.Жавхлангийн дуунуудыг дур мэдэн ашиглаж, бусдад худалдаалж их хэмжээний ашиг олсон гэдэг. Үүнийг нь эсэргүүцэж заргалдсан дуучин С.Жавхланд, “Чиний дууг ашиглаж 13 сая төгрөг олсон үүнийг ав” хэмээн хэлсэн гэх боловч үнэн хэрэгтээ түүний дууг хэрэглэгчдэдээ дамлан борлуулж, 300 гаруй сая төгрөгийн ашиг олсон нь олон нийтэд ил болсон. Мөн дуучин Ноён Бондгор ч ийм л байдлаар тэмцсэн. Тэдний маргаан хэрхэн шийдэгдсэн нь олон нийтэд ил болоогүй байгаа юм.
Гэтэл телевизээр байнга сурталчилж, ард иргэдийн тархийг угааж, тэдний халааснаас ахиухан мөнгө салгасан “Моби лото” буюу “Хусаад авах уу, худалдаад авах уу” гэх аян нь бас л хуурамч байсан гэдгийг Мобиком компаниас халагдсан нэгэн ажилтан нь тус компанийн фэйж хуудсанд бичжээ. Тэрээр, “Мобикомын маркетиншийн албаны дарга Баярбат та намайг ямар ч шалтгаангүйгээр ажлаас минь халлаа. Хоёр сарын минь цалинг өгөхгүй гэлээ. Би тэгвэл бас адилхан харилцаж чадна. Моби лото бол цэвэр хуурамч явуулга. Ланк круйзер 200 бол бас л нэгэн луйвар” хэмээн бичжээ.

Энэ хэрэв үнэн бол Мобиком корпорацийнхан хэдий болтол ард түмнийг халаасанд дур мэдэн гар дүрж, нийгмийн хариуцлагаа ухамсарладаг байгууллага болон жүжиглэх юм бэ.
МОБИЖООМ дүрээсээ хэзээ ангижрах юм бэ?