Хүн амины гэмт хэрэг улам л аймшигтай, хэрцгий болж байгаа талаар хүмүүс ярьдаг. Гэтэл хүний махан хүнстэнгүүд орчин үеийн өнөөгийн нийгэмд ч байгаа тухай хэвлэлээр бичиж байна. Украинд хүний амь хөнөөж махаар нь хоол хийж идсэн хэд хэдэн тохиолдол гарсан байна.


Хүний махан шорлог

Хүн алаад махыг нь идсэн дөрвөн гэмт хэрэгтнийг Украины Черновицкийн шүүх хэлэлцэж ял оноосон байна. Үүний зэрэгцээ тэр дөрөв хохирогчийн ар гэрийнхэнд 60 мянган гривений нөхөн төлбөх төлөх  ёстой болжээ.
Тавдугаар сард Черновицк орчмын нэгэн зусланд 38 настай Александр, 22 настай Дмитрий, 20 настай Лилия, 18 настай Светлана нар зуслангийн эзэн 40 настай эрийг алаад махыг нь хэсэглэж жиргэн архиар амталж дотор махаар нь шорлог хийн идээд хагасыг нь нохойд хаяж өгчээ.

Житомир мужид бас дөрвөн махчин 18 настай охиныг хулгайлан гэрийнхнээс нь 3000 доллар нэхсэн байна. Эцэг эх нь мөнгө цуглуулж амжихгүй байтал тэд охины чихийг огтолж, боож алжээ. Ингээд махыг нь хэсэглэж машиндаад котлет хийж өөрсдөө идэж, нэгнийхээ дөрвөн настай жаалд идүүлсэн байна. Тэднийг хохирогчийн гэрийнхэнтэй уулзах үед цагдаагийнхан саатуулахад эсэргүүцэл үзүүлж цагдаагийн нэг ажилтныг хутгалжээ. Тэднээс ангийн болон гар буу гарч мөрдөн байцаалтын явцад тэд өөр таван ч хүний амь хөнөөж 20 гаруй удаа дээрэм хийсэн нь илэрсэн байна.


Найруулагчаа алаад иджээ

Краснодарын хязгаарын уугуул 29 настай Александр Поярков гэгч найруулагч Евгений Зориныг алаад дотор эрхтнийг нь идэхээр чанажээ. Хохирогчийн биеийн хэсгийг барилгын нь доод хонгил, усны сувгаас олсон байна. Тэрээр найруулагчтайгаа муудалцаж сүхээр цохиж алаад  цогцосыг нь хэсэг хэсэг болгон, үлдэгдлийг нь  бохирын шугаманд хийж зарим яс, махыг нь толгойтой нь хамт чанасан байна. Цагдаагийнхан хэргийн газарт ирж сэжигтнийг барих үеэд тэр орчмын цусан толбо хэвээрээ гал тогоонд  хохирогчийн толгой буцалж, зүрх, бусад махыг нь  хөргөгчид хийсэн байжээ.  


Эхнэрийнхээ махаар зууш хийж хөршүүдээ дайлжээ

Капорож мужийн Веселовскийн районы оршин суугч Виталий Сташевскийг эхнэрээ хөнөөсний учир 15 жилийн хорих ялаар шийтгэжээ. Эрүүл агаарт амарч байсан тэр хоёр маргалдаж Виталий эхнэрээ хэд хэдэн удаа хутгалж амийг нь хөнөөсөн байна. Мал нядалгааны газар ажилладаг махыг нь мэргэжлийн дагуу хэдэн хэсэг болгон эвдсэн байна. Тэрээр байцаалтан дээр “Би худалдаж болохоор тураг мах гаргаж эвдсэн” гэж мэдүүлжээ. Үнэхээр ч  зах дээр хэдэн хэсэг махыг тугалын мах хэмээн зарж, нэрмэл архи аваад, үлдэгдлээр нь танилуудаа урьж “үхрийн шарсан  махаар” дайлжээ. Хэдэн хоногийн дараа эх дээрээ очиж эхнэрээ идсэн тухайгаа ярихад айж балмагдсан эмэгтэй хөршөөрөө цагдаа дуудуулсан байна. Ийн түүнийг 15 жил шоронд хорихын зэрэгцээ архины эмчилгээ хийхээр шийтгэжээ. Бага насны хоёр хүүхдийг нь талийгаач эхнэрийнх нь эхэд  шилжүүлсэн байна.

Ер нь хүн алж махыг нь идсэн аймшигт хэрэг дэлхий дахинаа гарсаар байгаа нь сэтгэл түгшээж байгаа юм. Америкт Натаниэл Бар-Жон гэгч сургуульдаа явж байсан 10 настай хүүг алаад махаар нь хоол хийж найзууд, хөршүүдээ дайлсан хэрэг ч гарсан. Тэрээр хүүгийн махаар янз бүрийн хоол хийснээ тэмдэглэсэн дэвтэр нь  цагдаагийнхны гарт орсон байдаг.