Алдарт продюсер Саймон Ковелл 1,7 сая ам.доллараар худалдан авсан "Bugatti Veyron" машинтай ч энэ ганган хүлгээ унахаасаа илүү гараашдаа сойх нь элбэг гэнэ. Тэрээр цагт 260 миль хурдалдаг машинаа жилд ердөө хоёр удаа л гаргаж унадаг, бусад үед энгийн хэрэглээний машин барьдаг аж. Тэрээр энэ машинаа өөрөө дурлаж аваагүй, найз нь л ийм нэг машинтай байх хэрэгтэй гэж хэлсний дагуу маргааш нь гараад авчихсан хэмээн Эллений ток шоунд оролцох үеэрээ ярьсан байна. Хөтлөгч Эллен Саймонд гэнэтийн бэлэг барьж "Bugatti Veyron" шиг хар өнгийн хүүхдийн тоглоомон машин түүнд бэлэглэжээ. Гэхдээ энэ бол Саймонд зориулсан бэлэг биш, удахгүй мэндлэх хүүд нь өгсөн бэлэг гэнэ.