Жүжигчин Анжелина Жоли найруулагчийн ажилд шимтэн дурлаж, хоёр дахь киногоо найруулж буй билээ. Тэрээр 2014 оны арванхоёрдугаар сард дэлгэцэнд гарах "Unbroken" хэмээх киноны ажлаар Австралид байрлаж байгаа юм. Австралийн Сидней хотод гэр бүл, хүүхдүүдийнхээ хамт амьдарч буй А.Жоли ажлаасаа түр завсарлага авч, хоёр ихэртэйгээ хамт зугаалж буй нь энэ. А.Жоли, Б.Питт нарын зургаан хүүхдийн хамгийн бага нь болох Нокс, Вивиян хоёр ээжтэйгээ хамт гадуур хооллож, тоглоомын дэлгүүр орж, өдрийг зугаатай өнгөрүүлж буйг паппарацууд дуранджээ.