Оросын залуу дуучин 30 настай Прохор Шаляпин саяхан 57 настай бизнесмэн, саятан Лариса Капенкинатай гэрлэлээ. Хосууд хуримынхаа дараахан телевизийн Андрей Малаховын “Ярьж л байг” хөтөлбөрт орж өөрсдийнхөө аз жаргалтай байгаа тухайгаа  ярьсан байна.

Ганцхан залуу дуучин Прохорын 47 настай ээж нь хүүгээ ийнхүү тэтгэврийн авгайтай гэрлэснийг уучилж чадахгүй байгаа гэнэ. Елена Ивановна энэ эсэргүүцлээ илэрхийлж бүр хүүгийнхээ хуримд ч ирсэнгүй. Нэвтрүүлэг явж байхад Елена Ивановна хүүдээ хандаж “Ийм хурим болохгүй байх гэж би бүр сүүлийн мөч хүртэл найдаж байлаа. Та хоёр миний тухай ер нь бодсон уу” хэмээн асуулт илгээжээ.

Харин сүйт бүсгүй Лариса Копенкина “Хуримынхаа өмнхөн би сүйт залуугийнхаа ээж рүү утастсан ч тэр надтай ярихаас татгалзсан. Тэр “Лариса, би чамтай ярихыг хүсэхгүй байна. Чи хүүгийн минь толгойг эргүүлсэн” гэж хатуу хэлсэн. Нэвтрүүлгийн үеэр сүйт бүсгүй энэ талаар ярьж залуу нөхрийнхөө дэргэд  уйлжээ.
Үүнээс гадна Лариса Копенкины өөрийнх нь хүү Юрий ч бас энэ талаар сэтгэл дундуур байгаагаа илэрхийлж тэднийг гэр бүл болохыг хүсээгүй гэжээ.