АНУ-ын Төрийн нарийн бичгийн даргын орлогч Виктория Нуланд Украины нийслэлд ирж албаны хүмүүстэй уулзсаныхаа дараа Кивийн төв Тусгаар тогтнолын талбайд жагсаал цуглаан хийж, бэхлэлт бариад байгаа хүмүүстэй уулзаж тэдэнд талх, боов, печень тараасан байна.

Тэрээр яг л сайн дурын ажилтан шиг том уутнаас талх боов гарган жагсагчдад түгээхэд жагсагчид баярлалдаж зарим нь “God bless you” хэмээн  хашгирч угтжээ.

Дараа нь тэр талбайд байгаа Дотоодын цэргийнхэн рүү дөхөж очин тэдэнд печень тарааж өгөхөд тэд нэг ч үг хэлэлгүй харин инээмсэглэлээр хариу барьсан байна.