Жүжигчин Шарлиз Терон, Шон Пенн нарыг болзож байгаа хэмээн Америкийн хэвлэлүүд бичиж байгаа ч саяхныг хүртэл үүнийг нотлох баримт олдохгүй байсан юм. Тэгвэл хоёр од он солигдох үеэр Хавайд хамтдаа байсныг нотлох паппарац зургуудыг дэлгэжээ. Тэд Хавайгаас буцаад Лос Анжелес руу ирэхдээ тус тусдаа нисэх буудлаас гарч ирсэн ч орой нь Шарлиз Тероны гэрт болзсон бололтой. Маргааш өглөө нь Шон Пенн жүжигчин бүсгүйн гэрээс машинтайгаа гарч явааг ч гэрэл зурагчид дурандаа буулгаж амжжээ.  53 настай жүжигчин Шон Пен өмнө нь Мадонна, Скарлет Йоханссен зэрэг цөөнгүй алдартай бүсгүйтэй хайр сэтгэлийн холбоо үүсгэж явсан билээ.