Их Британийн Сток-он-Трент хотын иргэн, слесарь ажилтай Рио Бирдмар нутгийн нэгэн баарнаас гараад Volkswagen маркийн машин дуурайлган хийсэн  хүүхдийн тоглоомон машинаар гэрээдээ явж байхад нь цагдаа нар саатуулсан байна. 43 настай Бирдмар ямар нэгэн хууль дүрэм зөрчөөгүй байхад цагдаа яагаад саатуулж байгаа юм, юу болоод байгааг ойлгохгүй байна гэж үзсэн ч цагдаагийнхан түүнийг согтууруулах ундаа хэрэглэсэн  үедээ жолоо барьсан гэж буруутгажээ. Үнэхээр ч шалгаж үзэхэд түүний биед хэвийн хэмжээнээс хангалттай илүү согтууруулах  ундааны зүйл илэрсэн байна.
Бридман бас тоглоомон машинаар хот дотор зорчсоноо буяны зориулалтаар ингэж явсан гэж үзсэн байна. Тэр өдөр цагдаагийнхан саатуулах хүртэл ердөө 40 фунт цуглуулсан, хүмүүс надтай зургаа татуулж мөнгө өгч байсан гэж ярьжээ.
Шүүх ч түүнийг согтуудаа жолоо барьж хөдөлгөөнд оролцсон гэж 500 фунт стерлингээр торгон жолоо барих эрхийг нь нэг жилээр хасчээ.