Латви улсад үйлдвэрлэсэн шпрот загасны нөөшилсөн маханд хүний биед хортой канцероген бензопирен байна гэдгийг ОХУ-ын мэргэжлийн хяналтын эрүүл мэндийн хяналтынхан лабораторын шинжилгээгээр илрүүлсэн байна. Латвиас орж ирж байсан ачааг хилийн хяналт шалгалтын лабораторт шалгахад ийм зөрчил илэрлээ гэж Мэргэжлийн хянатын албаны хэвлэлийн төлөөлөгч өнөөдөр мэдэгджээ.
“Лабораторын шинжилгээгээр канцероген бензопирений агууламж зохих хэмжээгээр байгаа нь Оросын болон Галийн холбооны хууль тогтоомжийг зөрчиж байна. Ялангуяа бенопирен нь багахан байлаа ч гэсэн хүний эрүүл мэндэд аюултай” гэж хэвлэлийн мэдээлэлд дурджээ. Үүнтэй холбогдуулан нийслэл Москва болон Москва мужид энэ аюултай бүтээгдхүүнийг оруулж ирэхгүй байх бүхий л арга хэмжээ авч эхэлсэн байна. Мөн бензопирен бүхий бүтээгдхүүн гаргасан SIA Randa компанитай холбоо тогтоож лабораторын хяналт шалгалтаа хүчтэй болгохыг дуулгасан гэнэ.



SIA Randa компанийн "Шпроты в масле", "Шпроты крупные в масле" и "Рижские шпроты в масле" гэсэн бүтээгдхүүнүүд орост орж ирдэг юм байна.
Манайхан нөөшилсөн загаснаас шпротыг илүүтэй шүтэж, оросоос оруулж ирдэг. Магадгүй ийм бүтээгдхүүн манайд ороод ирсэн байхыг үгүйсгэх аргагүй. Дэлгүүр худалдааны газраас нөөшилсөн шпрот худалдаж авахдаа хаана үйлдвэрлэснийг нь нягтлахад зүгээр л юм байна.