Зохиолч, продюсер А.Арманы "Бага хаадын үе” бүтээл олон ангит кино болон энэ сарын 20-ноос үзэгчдийн хүртээл болох гэж байна. Энэ талаар түүнээс тодрууллаа.

-Телевизийн олон ангит түүхэн кино удахгүй үзэгчдийн хүртээл болох гэж байна. Бага хаадын гэхээр Тогоонтөмөр хааны үеэс эхэлнэ гэсэн үг үү?
-Тийм ээ. Тогоонтөмөр хаан БНХАУ-аас хөөгдөн ирснээс Лигдэн хутагтыг таалал төгсөх хүртэл хааны суудлыг залгасан 22 хаадын үеийг Бага хаадын үе хэмээн тэмдэглэсэн байдаг. Энэ цаг үед эдгээр хаад хэрхэн улс орноо жолоодон авч явж байсан, монголчуудын эв нэгдэлгүй, эрх мэдэл, эд хөрөнгөнөөс болж сарнин бутарч, доройтсон гашуун түүхийг эргэн сануулах юм. Энэхүү киног “N” энтертайменттай хамтран хийсэн. Киноны зураг авалтад нийтдээ 500 гаруй хүн оролцсон бөгөөд арын албаны ажилчид гэхэд бараг 100 гаруй хүн байсан.
-Таныг энэ бүтээлээ долоон жилийн хугацаанд бичсэн гэж сонссон. Энэ үнэн үү?
-Тийм ээ. Түүхэн гэдэг утгаараа маш их ном, судар эргүүлэх шаардлагатай болсон л доо.  Бараг 200 гаруй эх сурвалж, ном судар судалсан  байх аа. Түүхийн он цагийн хуанлийг эргэн сөхөж байгаа учраас хөнгөн хуумгай хандаж болохгүй.
-Кинонд ямар уран бүтээлчид тоглосон бэ?
-Чингис хааны дүрд Ардын жүжигчин А.Энхтайван, Мандухай хатны дүрд Ардын жүжигчин Н.Сувд тоглосон. Энэхүү кинонд нийслэлийн уран бүтээлчдээс гадна найман аймгийн жүжигчид тоглосон.