Америкийн кино урлагийн академи энэ оны “Оскар”-ын шагналд нэр дэвшиж гуравдугаар сарын 2-нд энэ нэр хүндтэй  шагналын эзэн болох магадлалтай кино, найруулагч жүжигчдийг зарлалаа.

Шилдэг кинонд 10 кино нэр дэвшжээ. “Харилцан үйлчлэл” болон “Америк маягийн таагүй явдал”  бүтээл орж байна. Энэ хоёроос гадна  “Шилдэг кино”  ангилалд “12 жил боолчлолд”, “Ахмад Филлипс”, хар цагаан “Небраска”, “Филомена”, “Уолл-стритийн чоно”, Далласын худалдан авагчийн клуб”, “Тэр бүсгүй” зэрэг кино дэвшиж байна.
“Шилдэг найруулагч ангилалд “12 жил боолчлолд” киноны найруулагч Стив Маккуин, “Америк маягийн таагүй явдал” киноны Дэвид О.Рассел, “Харилцан үйлчлэл”-ийн Альфонсо Кураон, “Небраска”-гийн Александр Пейн, “Уолл-стритийн чоно”-ын Мартин Скорсез нар нэр дэвшиж байна.
Шилдэг эрэгтэй гол дүрийн жүжигчинд “Далласын худалдан авагчийн клуб”ын Мэттью Махкконахи, “12 жил боолчлолд” киноны Чиватель Эжиофор, “Небраска”-гийн Брюс Дерн, “Америк маягийн таагүй явдал”-ын Кристиан Бейл, “Уолл-стритийн чоно”-ын Леонардо де Каприо нар үлджээ.
Шилдэг эмэгтэй дүрийн  номинацад “Америк маягийн таагүй явдал”-ын Эми Адамс, “Мэлрэг цэцэг”-ийн Кейт Бланшет, “Харилцан үйлчлэл”-ийн Сандра Буллок, “Филомена”-гийн Жуди Денч, “Наймдугаар сар”-ын“Мэрил Стрип нар нэр дэвшиж байна.
“Туслах дүрийн шилдэг эрэгтэй жүжигчин” ангилалд Брэдли Купер, Жаред Лето, Баркхад Абди, Майкл Фассбендер, Жон Хилл нарын нэр гарчээ.  Туслах дүрийн шилдэг эмэгтэй жүжигчинд Жулия Робертс, Жун Скуибб, Салли Хокинс, Люпита Нионго, Женнифер Роуренс нар нэр дэвшжээ.
“Шилдэг хүүхэлдэйн киноны төрөлд “Хүйтэн зүрх”, “Крудсын гэр бүл”, “Салхи ширүүслээ”, “Би өөдгүй-2”, “Эрнст Селестина хоёр” кинонууд орж байна.
“Гадаадын шилдэг кино”-д Белгийн “Буцах тойрог”, Данийн “Ан ав”, Италийн “Аугаа их гоо сайхан” Камбожийн “Устаж үгүй болсон дүрслэл” баримтат кино, Палестиний “Омар” кинонууд нэр дэвшээд байна.
АНУ-ын Кино Академийн “Оскар”-ын шагнал гардуулах 86 дахь ёслол гуравдугаар сарын 2-нд Лос-Анжелост болно.