Утаан дундаа Улаанбаатарынхан адил манарсан урд хөршийн нийслэлд нар яаж мандаж, жаргадгийг ч мартах шахсан өвлийн бүрхэг өдрүүд үргэлжилж байна. Бээжингийн тэнгэрийг битүү бүрхсэн утаат манан хөшгийг нарны туяа нэвт гийгүүлж чадахаа больсон учир нар ингэж манддаг шүү гэдгийг сануулах дүрс бичлэгийг олны хөлийн газар болсон Тяньаньминий талбай дахь LED дэлгэцээр цацдаг болжээ. Нар үзэсгэлэнтэйгээр мандаж байгаа дүрсний дараа "Агаар орчноо хамгаалах нь хүн бүрийг үүрэг" гэсэн социалист маягийн лоозон дэлгэцэн дээр гарч ирэх ажээ. Тэгэхээр энэхүү нийгмийн реклам нь Бээжингийн оршин суугчдын сэтгэл санааг өргөх гэсэн хэрэг ч бус агаарын бохирдол хэрээс хэтрээд байгаа нь та нараас ч бас хамаарч байгаа шүү гэдгийг сануулах л зорилготой бололтой. 

Агаарыг бохирдуулахгүй байх нь хүн бүрийн үүрэг хариуцлага

Тяньаньминий талбайгаар зугаалагсдын дийлэнх нь амны хаалт зүүжээ.