Хүчний байгууллагад ойр эх сурвалжийн мэдээлж байгаагаар бол 23 настай алан хядагч эмэгтэй олимпын хот Сочид нуугдаж байж магадгүй гэнэ. Хууль сахиулагчдын эх сурвалжаас “Блог Сочи” портал авч мэдээлснээр хэдхэн хоноод өвлийн олимп болох амралт сувиллын нутаг дэвсгэрт 1991 онд төрсөн алан хядагч Ибрагимова Рузана Ахмадиевна байгаа гэнэ. ХҮчний байгууллагад тун ойрхон өөр нэг эх сурвалжийн мэдээгээр бол тэр бүсгүй бүр Сочигийн ДЯЯ-ны төлөөлөгчийн газарт тун ойр амьдарч байгаа бололтой. Рузана Ибрагимовагийн талаарх мэдээллийг хотын цагдаагийн бүх ажилтнуудад тараан мэдээлжээ.