ОХУ-ын Комсомольск-на-Амур хотын “Питон” амьтны хүрээлэнд түймэр гарч энд байсан бараг бүх амьтан нь галд өртөн амь алдсан харамсалтай хэрэг гарчээ. Баасан гарагаас бямба гарагт шилжих шөнө амьтны хүрээлэнгийн сармагчингуудын байдаг танхимаас эхлэн гал гарч хамгийн эхлээд тэд өртөж амь алджээ. Дараа нь гал хүрээгээ  тэлэхэд нэг хэсэг нь галд өртсөн бол нөгөө зарим нь угаартаж амиа алдсан гэнэ.
Амьтны хүрээлэнгийн ажилтнууд хэвлэлийнхэнд ямар нэгэн тайлбар хийхээс татгалзсан байна. Эх сурвалжийн мэдээлснээр тус амьтны хүрээлэнд 115 төрлийн нийт 240 амьтан байжээ.