Олон улсын үйл ажиллагаа явуулдаг “Missosology” холбооноос 2013 онд олон улсад болж өнгөрсөн мисс, гоо бүсгүй шалгаруулах тэмцээнүүдийн шилдгийг шалгаруулах “Missosology Pageant Awards”-ыг эхлүүлж, интернэтээр санал хурааж байна. Энэ авардсын “Catwalk diva” номинацид 2013 оны Монголын мисс Н.Ану нэр дэвшин оролцож байгаа гэнэ. Тэрээр сүүлийн өдрийн байдлаар Филиппинийн миссийн дараагаар тун ойрхон хувийн зөрүүтэйгээр бичигдэж байгаа бөгөөд санал хураалт тун удахгүй хаагдах аж. Энэ номинацид “Miss Supranational” тэмцээнээс Филиппиний мисс, “Universe miss” тэмцээнээс Бразилийн мисс, “Miss international” тэмцээнээс Монголын мисс Н.Ану, “Miss Grand international” тэмцээнээс Мьянмар улсын мисс, “Miss Asia Pacific World” тэмцээнээс ОХУ-ын мисс нэр дэвшиж байгаа юм. Монголынхоо мисс Н.Ануд http://www.missosology.info гэсэн линкээр орж саналаа өгөх боломжтой.