Вьетнамд хар тамхины мафийн 89 гэмт хэрэгтнийг шүүсэн томоохон шүүх хурал болж, 59 хүнд нь бүх насаар хорих ял  оноожээ. Яллагдагч бүрийг хоёр цагдаа харгалзаж, шүүх хурлын танхимд багтахааргүй олон хүн оролцсон учир шүүх хурлыг шоронд хийсэн байна. Эдгээр хүмүүс нийтдээ 12 тонн геройн худалдаалсан хэрэгт холбогдсон учраас Вьетнам шиг хатуу хуультай оронд тэдэнд ногдуулах ял шийтгэл өндөр байх нь анхнаасаа тодорхой байжээ.
Эдгээр гэмт хэрэгтнүүд олон улсыг хэрсэн дөрвөн том хар тамхины мафид харьяалагддаг байсан гэнэ. Тэднийг 2013 оны наймдугаар сард хийсэн томоохон баривчилгаагаар хуулийн өмнө авчирсан юм. Тэдний баривчлах үед хэдэн тонн мансууруулах бодис, өдий төдий буу зэвсэг, мөн тансаг зэрэглэлийн 20 машин хурааж авсан байна. Тэдэнд холбогдох хавтаст хэрэг хэтэрхий том байсан учир шүүх хурал 17 хоног үргэлжилжээ.
Хар тамхины хатуу хуультай Вьетнамд 600 граммаас дээш хар тамхи /геройн/  буюу 20 килограммаас дээш опиум биедээ авч яваад баригдвал цаазаар авах ял оноодог юм.