Хонконг, Макао, Тайванийг оруулахгүйгээр эх газрын Хятадын хүн ам 2013 онд зургаан сая 680 мянгаар нэмэгдэж, нэг тэрбум 360 саяд хүрсэн тухай Хятадын статистикийн газар мэдэгджээ.

Өнгөрсөн онд тус улсад 16 сая 400 мянган хүүхэд шинээр мэндэлснээс, есөн сая 720 мянга нь эндсэн ажээ. Хүн амын өсөлтийн хувийг 0,49 хувиар тодорхойлсон байна.
Тус улсын хөдөлмөрийн чадвартай буюу 16-59 насны хүн ам өнгөрсөн онд хоёр сая 440 мянгаар цөөрч, 919 сая 540 мянга боллоо. Энэ нь нийт хүн амын 67,7 хувийг эзлэх тоо юм. Харин хүн амын 14,9 хувь буюу 202 сая 400 мянга нь 60-аас дээш насны настан байгаа аж.