Халхголын түүхт ялалтын 75 жилийн ойг Орос улс Монголчуудтай хамтран тэмдэглэнэ гэж ОХУ-ын Гадаад хэргийн сайд Сергей Лавров мэдэгдлээ.
“Халхын гол дахь байлдааны ялалтын ойг мэдээж бид хамтран тэмдэглэнэ. Монгол нөхөд маань ойн үеэр ямар арга хэмжээ зохион байгуулах гэж байгааг бид сонирхож байна” гэж сайд хэлжээ. ЗХУ болон Монгол улсын японтой хийсэн мөргөлдөөн 1939 оны хавраас эхэлсэн бол  шийдвэрлэх тулалдаан наймдугаар сарын сүүлчээр болж зөвлөлт-монголын цэрэг Японы зургадугаар армийг бут цохьсон юм. Сайд Лавров “монголд орос сургууль нээх үү" гэсэн  сэтгүүлчийн асуултад  “Гадаадад орос сургууль нээх төсөл хэрэгжиж байгаа, нэмэлт сургууль байгуулна” гэж хариулжээ.