Тайландын нэлээд нутгаар аравдугаар сараас хойш агаарын температур хэт доошилж “хүйтэрснээс” болоод сүүлийн гурван сард нийтдээ 63 хүн амиа алджээ. Тэдний олонх нь хүйтнээс болж өвчин тусч амь алдсан байна. Өнгөрсөн оны аравдугаар сараас хойш тус улсын хойд, зүүн хойд болон төвийн нутгаар агаарын температур доошилсноос 27 мужийн 25 сая  хүн  ихэд зутарч зарим нь ийн өвчин тусч байгаа юм байна. Нас барсан хүмүүсийн хамгийн бага нь нэг сартай хүүхэд бол хамгийн ахмад нь 81 настай хүн байна. Нийслэл Бангкокт гэхэд л сүүлийн 30 жилд анх удаа агаарын температур +15,6 градус болжээ.