Киевт эсэргүүцлийн жагсаал хийж байгаа украины сөрөг хүчин, иргэний “Спільна справа” хөдөлгөөнийхөн ням гаригийн орой Украины Хуульзүйн яамны албан байрыг эзэлж авсан байна.
Сөрөг хүчний “Удар” намын тэргүүн Виталий Кличко тэдэнтэй уулзаж төрийн яамны байрыг чөлөөлөхийг хүссэн ч тэд татгалзжээ. “Би тэдэнтэй хэлэлцэж тохирохын хүссэн. Харамсалтай нь тэд татгалзаж тэндээ үлдлээ. Одоо бид төрийн албан байрыг чөлөөлөх талаар тэдэнтэй дахиад ярилцахыг оролдоно” гэж Кличко хэлсэн байна.  
Сэтгүүлч сурвалжлагчдыг Хуульзүйн яамны байр луу оруулахгүй хэвээр байна. Харин хөдөлгөөний зохицуулагч Александр Данилюк сэтгүүлчдэд даваа гарагийн өглөө гэхэд яамны албан байр луу ажилтнуудыг нь нэвтрүүлнэ гэж хэлжээ.
Одоогоор Хуульзүйн яамны барилгын дэргэд иргэний хөдөлгөөний хэдэн зуун идэвхтэн цугларан 1,5 метр орчим өндөртэй бэхлэлт босгож байгаа юм байна. Мөн барилгаас усны хоолой гадагш гаргаж дэргэдүүр нь өнгөрдөг замыг усаар шүршиж байна.