Монголын ууган төрийн бус байгууллага Монголын Ардчилсан холбооны ахмад зүтгэлтнүүд өчигдөр өөрийн нэр дээр орон сууцтай болох батламжаа гардан авлаа. Монгол Улсын иргэн Ч.Рагчаа, Ч.Балданням, Д.Долгорсүрэн, н.Шинэтуул, Т.Отгонбаяр, Я.Баа­­­­­­­­сан­­жав, С.Тунгалаг, Я.Сүрэн­жав, Р.Даваа, Д.Хашхүү, Л.Сарангэрэл нар тус бүр нэг өрөө байрны эзэн болох учиртай. Тэдэнд орон сууцны батламжийг зураг төсөл, тоот дугаарын хамт УИХ-ын гишүүн, МоАХ-ны дэд дарга Ш.Түвдэндорж, МоАХ-ны Удирдах зөвлөлийн нарийн бичгийн дарга,  БХБ-ын дэд сайд Г.Байгалмаа нар гардуулан өглөө.
Ахмад настнуудын зарим нь өөрийн биеэр хүрэлцэн ирж чадаагүй байхад зарим хүн юуны төлөө дуудуулснаа ч мэдээгүй байсан тул орон сууцтай болсон нь гэнэтийн бэлэг болжээ.

Партизан С.Тунгалаг “Ёстой гэнэтийн мэдээ байна, маш их баярлалаа. Ингэж шагнуулахаа мэдсэнгүй” хэмээн ярилаа. Дээрх 11 иргэний орон сууц Сонгинохайрхан дүүргийн 27 дугаар хороонд сүндэрлэж буй “Орчлон” хорооллын 10 дугаар ээлжийн барилга юм. Ирэх наймдугаар сард бүрэн дуусч, ашиглалтад ороход ахмадууд байрны түлхүүрээ гардах аж. УИХ-ын гишүүн, МоАХ-ны дэд дарга Ш.Түвдэндорж “Урьд нь олгосон батламжийг бодвол энэ удаа хавьгүй бодитой” гээд уг ажлыг гүйцэлдүүлэхэд хотын дарга Э.Бат-Үүл багагүй дэмжсэн хэмээлээ.

1989-1990 онд Ардчил­­­­­­­­сан хувьсгалд гар бие орол­­­­­цож, амь биеэ үл хайрлан зүтгэсэн анх­­­­­­дагчуудыг дайнд оролцсон ахмад дайчин, Ардын хувьсгалын партизануудтай эн зэрэгцүүлэхийг төрөөс шаардаж байсан. Гэвч тухайн үед асуудал шийдэг­дээгүйгээр барахгүй төрөөс дэмжихгүйгээр болсон. Тиймээс Монголын Ардчилсан Холбоо өөрийн бололцоонд тааруулж ахмадуудаа харж хандах, нийгмийн асууд­лыг нь шийдвэрлэхийн төлөө ажилладаг билээ. Уг шийдвэрийг МоАХ-ны үе үеийн дарга Б.Би­лэгт, С.Билэгсайхан, Ш.Түв­дэндорж, Ц.Энхтүвшин, С.Эр­дэнэ, Х.Баттулга нар зөв­­шөөрч гарын үсэг зур­жээ.


Ш.ТҮВДЭНДОРЖ: 100 ОРЧИМ ХҮН ОРОН СУУЦТАЙ БОЛСОН

Батламж гардуулах үеэр УИХ-ын гишүүн, МоАХ-ны дэд дарга Ш.Түвдэндоржоос тодруулга авлаа.

-Урьд нь, орон сууц­ны батламж авсан хү­мүүст дахин батламж гар­дуулж байна. Үүнийг тод­руулахгүй юү?
-Орон сууцанд орох хүсэлтэй хүмүүс дараалал ёсоор 2013 онд байрны батламж авсан. Тухайн үед орон сууц нь тодорхойгүй, дугаар тоотгүй, зураг төсөлгүй бэлгэдэл төдий батламж олгосон. Гэвч өнөөг хүртэл байртай болж чадаагүй байсан юм. Харин өнөөдөр 11 хүнд шинээр батламж гардуулж, энэ зун ашиглалтад орох орон сууцны тоот хаяг­­­­­тай, зураг төсөлтэй нь гардан авлаа.

-МоАХ-ноос ахмад зүт­­­гэлтнүүддээ орон сууц ол­­­гох ажлыг идэвхтэй өр­нүүлж байгаа. Нийт хэчнээн хүн байртай болсон бэ?
-Ер нь, 20 жилийн ойгоор 20 хүнд орон сууц өгсөн. 21 жилийн ойгоор мөн 21 хүнд өгсөн гээд ойтойгоо ижилсүүлсэн тоо­­­­­­­­­­­­­­­гоор байр олгож ирсэн. Өнгөрсөн жил бид 24 хүнийг байртай болгосон. Тэгвэл энэ онд 25 жилийн ой тохиосон учир өмнөхөөсөө олон хүний орон сууцны асуудлыг шийдвэрлэнэ. Энэ жилээр ерөнхийдөө орон сууц олгох ажил маань зогсч магадгүй. Яагаад гэ­­­­­­­­­­­­­хээр Монголын Ардчилсан Холбоо маань бизнесийн эсвэл буяны байгууллага биш учраас тэр болгонд хө­рөнгө цуглуулж, хүмүүст орон сууц олгох нь тийм ч хялбар ажил биш. Гэхдээ МоАХ-ны 20 жилийн ойгоос хойш бид 100 орчим өрх, ах­мад зүтгэлтнээ орон сууц­тай болгосон гэдэг маань чам­­­­лалтгүй ажил гэж үзэж байгаа.

-Тэгвэл холбооноос орон сууц авах хүсэлтэй хү­­мүү­сийн дараалал шув­тарч байгаа гэж ойлгож болох уу?
-Үгүй юм л даа. Орон сууцтай болохыг хүссэн олон хүн байгаа нь мэдээж. Гэхдээ ахмад зүтгэлтэн, партизануудаа цаашид өөр хэлбэрээр анхаарч, дэмжиж ажиллах болно.