Ижил хүйстнүүдийн гэрлэлтийг зөвшөөрөх тухай хуулийн төслийг Шотландын парламент баталлаа.

Шотландын хууль тогтоогчид энэ тухай хуулийн төслийг мягмар гарагт олонхын саналаар баталсан байна. Гэхдээ уг хуульд заасанчлан, ижил хүйстнүүдийн хуримын ёслолыг сүм зохион байгуулахыг хориглоно.
Шотландын өмнө Англи болон Уэльст ижил хүйстнүүд гэрлэхийг зөвшөөрөх тухай хуулийн төслийг Британийн парламент өнгөрсөн онд баталсан юм. Умард Ирландыг эс тооцвол Британи даяар одоо ижил хүйстнүүд гэрлэх эрхтэй боллоо.
Европын бусад улс ч үүнтэй адил хуулийн төслийг баталсаар байгаа билээ. Тухайлбал, Франц улс өнгөрсөн онд ижил хүйстнүүд гэрлэхийг хуулиар зөвшөөрдөг болсон юм.