Украины нийслэлд болсон эмх замбараагүй байдлын үеэр бэртсэнийхээ улмаас Литвийн нийслэлд эмнэлэгт хэвтэж байгаа, украины сөрөг  хүчний удирдагчдын нэг, автомайданы тэргүүн Дмитрий Булатов хэвлэлийн бага хурал хийлгэж хэрхэн тамлуулснаа ярьж, шархаа үзүүлсэн байна. Энэ хэвлэлийн бага хурлыг Литвийн телевизийн нэгдүгээр суваг шууд дамжуулан үзүүлжээ.
Тэрээр намайг оросын тусгай албаныхан хулгайлсан гээд “миний чихийг огтолж тасалж авсан хэсгээ нүүрэн дээр минь наасан. Яг тайрахад аймаар өвдсөн” гэж ярьжээ. Тэд миний гарыг модонд хадаасаар хадаж эхлэхэд би өвдөхдөө өвдөг дээрээ сөхрөхөд минь саваа модоор нуруу, хөл рүү минь цохиж байсан гэж ярьсан байна.
Булатов цааш нь тэд намайг өдөр бүр байцааж “америкийн, ТТГ-ын тагнуул” гэж ярь хэмээн тулгаж байсан. Байцаахдаа автомайданы цаашдын үйл ажиллагаа, санхүүжүүлж байгаа эх үүсвэр зэргийг асуудаг байлаа. Намайг “Би бол АНУ-ын, Тагнуулын төв газрын тагнуул. Америкчууд надад мөнгө өгөөд тусгайд минь анхаарч халамжлан, өнөөгийн төр засгийнхаа эсрэг тэмцэж, эмх замбараагүй байдал үүсгэ гэдэг байсан” гэж ярь гэж тулгадаг байлаа.
Ийн тулгаж байцаахдаа байнга зоддог, зодож байгаа нь бүр мэргэжлийн аргаар харгисладаг байсан гэж ярьжээ.
Ийм тамлалын эцэст тэр хэлсэн бүхнийг нь ярьж тэд дүрс бичлэгт буулгаж авсан гэнэ. Би “Америкийн элчин сайд надад автомайдандаа зориулж бензин ав, үйл ажиллагаандаа ашиглах дүрс бичлэгийн камер ав гэж  50 мянган доллар өгсөн гэж дахин тамлуулахгүйн тулд худлаа ярьсан” гэж Булатов хэлж байна. Амыг минь техникийн усаар зайлж, үсийг миниь зулгааж байсан гэлээ.

Намайг оросын тусгай албаныхан хулгайлсан гэж Булатов хэд хэдэн удаа онцолсон байна. Тэр бас өөрийг нь хулгайлахад “Украины сонгууль” хөдөлгөөний Виктор Меведчук оролцсон байж магадгүй гэжээ. Гэсэн ч үүнийг нь тус хөдөлгөөнийхөн няцаасан юм. Үүнийгээ тэрээр Медведчук манай хөдөлгөөнийхнийг бусдын хөрөнгийг машинаар дайрч сүйтгэсэн гэж буруутгаж цагдаад өгч байсан гэдгээр тайлбарлалаа.
Одоохондоо Литвад эмчлүүлж байгаа Дмитрий Булатов цаашдын төлөвлөгөөнийхөө тухайд тодорхой зүйл хэлээгүй байна.