Оросын Омск хотноо өнгөрсөн бямба гарагт хар өнгөтэй цас орсныг одоо лабораторт шинжилж байна гэж оросын РИА Новости агентлаг мэдээллээ. “Одоогоор ид шинжилж байна. Урьдчилсан байдлаар ТЭЦ-5-аас гарч байгаа утаа, хөөтэй холбоотой байх. Даваа гараг гэхэд шинжилгээний эцийн дүн гарна” гэж Байгаль орчны хяналтын газраас мэдэгджээ.
2012 онд Омскт хоёр ч удаа ийм хар цас орж байсан юм. Тэр үед Байгаль орчны хяналтын газар тус хотын ТЭЦ-5 нь өвлийн ид хүйтнээр хэт их ачаалалтай ажиллаж байгаагаас болжээ гэсэн хариу өгч байсан юм байна.