Гэгээн хайрыг магтан дуулагчид хуран чуулдаг “Цагаан уул” хайрын шүлгийн наадам 16 дахь жилтэйгээ учран золгож байна. Валентины баярын өдөр товлосон тус наадмын хамрах хүрээ энэ жилээс өргөжин тэлжээ. Хайрын тухай шүлгэн хүлгээ “Цагаан уул”-д сойж буй найрагчдыг шалгаруулах нэгийн даваа нэжгээд аймагт зохион байгуулагдаж, эхний гурван байрт шалгарсан нь “улсын наадам”-д уралдуулах эрхтэй болжээ. Залуу найрагчдыг дэмжиж, уран бүтээлийг нь үнэлж, олны хүртээл болгох зорилго бүхий тус наадам энэ жил сэдэвт шүлэг төдийгүй хайрын дууны шилдэг үг шалгаруулах ажээ. Наадам хоёрдугаар сарын 14-ний 09:00 цагт Оросын шинжлэх ухааны соёлын төвд болно.